Relasyon

Milyong tawanan at ngiti
na ang napagsaluhan,
ilang iyakan at selosan pa
ang dadaan.
At eto tayo ngayon
buo at tunay na nagmamahalan.
Sana kahit kailan
walang makakawasak
sa pag-ibig na ating
nasimulan.

Continue reading →

Adios Amigo!

Lumalalim na ang gabi
Lamig ng hangi'y kay tindi
Alon sa dagat ay kaysarap pagmasdan
Lalo pa't nasisinagan ng buwan

Ako ngayo'y nag-iisa
Hinaharap ang buhay na puno ng problema
Bakit ba dumating ang lahat ng 'to?
Ako ngayo'y gulong-gulo

Inaaliw ang sarili sa dalampasigan
Inaalala ang lahat ng magagandang nakaraan
Na aming pinagsamahan
Nang minamahal kong kaibigan

Buhay talaga ay puno ng pagsubok
Tadhana ang siyang sumsubok
Kaya't ako ay lumalaban
Upang ang sakit sa puso'y makayanan

Hindi ko alam kung ano ang dahilan
Kung bakit pa kailangan lumisan
Diyos na lamang ang nakakaalam
Sa mga sagot sa aking pagdaramdam

Huwag sanang mag-alala
Lagi sanang maging masaya
Sa tuwing ika'y walang kasama
At pag ika'y nag-iisa

Mahal kong kaibigan
Hanggang dito nalang talaga
Salamat sa iyong pagmamahal na iginugol
O! kay sakit sabihin, paalam kaibigan, paalam.

Continue reading →

Unang Pag-ibig

Sa una'y paghanga'y naituring
Nang tumagal unang pag-ibig na rin
Isip ko'y naguguluhan
No'ng una ko itong naramdaman
Akala ko'y madaling mawala,
Ang pagtingin na aking nadarama.
Pero kahit anong pilit na limutin ka
Ay hindi ko kaya, Oh aking sinta.
Mananatili ka sa puso ko
Sapagkat ang nararamdaman kong ito
Ay ang unang pag-ibig na
Nagpapatak sa luha ko.

Continue reading →

Mika

Nang una kitang makita
Nagustuhan na agad kita
Sabik na sabik akong mahawakan ka
Hanggang sa nilapit ko ang kamay ko sayo
At nagustuhan mo naman ito

Hindi nagtagal ay napasaakin ka
Bawat sandali'y ikaw ang kasama
Baliw na baliw na nga ako sayo
Kahit itanong mo pa sa Lola ko
Sasabihin nitong "adik si Recci sayo"

Araw-gabi kasama ka sa tabi
Minamasdan kang kumaing nakangiti
Sa pag tulog yakap-yakap ka
Sa pag gising ikaw ang nakikita
Sana'y di na ito matapos pa

Ngunit isang araw'y nag-iba ka
Bigla kang nanghina at nagsusuka
Ewan ko ba akoy kinakabahan na
Hanggang sa ika'y natumba't nawalan ng hininga
Lang hiya! Nilason ang aso kong si Mika.

Continue reading →

Oh! Pag-ibig Nga Naman!

Nang una kitang nakilala
Pag-ibig ay wala
Bakit ngayon, an0ng nangyari?
Pag-ibig ko sayo'y kay laki!

Ayaw k0ng ilabas
Ang pag-ibig k0ng wagas
Pag tingin k0 say0'y walang kupas
Kahit panah0n may lumipas.

Ako'y nangangamba baka puso'y mabigo
Kaya kay laking pagkalito net0ng aking puso
Kung pag-ibig ba ay dapat itago
O kung ilahad sa'yo at mangangako.

Ngayo'y alam m0 na
'Di ko na itatanggi pa
Oo, mahal na mahal kita
At wala ng iba aking sinta

Masakit mang isipin
Na ikaw ay hindi magiging akin
Ang tanging hiling k0 lang sa'yo
Ay ibigin m0 naman ako

Continue reading →

Sana Naman!

Pag gising ko isang umaga
Ako'y may biglang naalala
Ang araw na iy0n ay espesyal pala
Kaya't ako'y nagmamadali baka mahuli sa eskwela.

Pagpasok sa silid-aralan
Diretso agad sa upuan
Sabay sulyap sa likuran
Inaalam kung si "k'wan" ay andyan.

Sa kanyang kaarawan
Si "k'wan" ay lumiban
Kung bakit, di ko alam
Ewan k0 kung siya'y nasaan.

Hay naku! Sayang talaga
Ako sa kanya'y may ibibigay pa naman sana
Matagal ko it0ng pinaghandaan
masasayang lang pala
Regalong sigurad0ng magugustuhan niya.

Sa tul0ng ng kaklase, aking nalaman
Siya'y lumipat na pala sa ibang paaralan
Wala man lang pasabi't di nagpaalam
Damdamin sa kanya di tuloy naipaalam

Kahit siya man ay lumisan
Ak0'y iwan na luhaan
Puso't isipan man ay balutin ng kalungkutan,
Mga alaala niya'y babalik-balikan

Paglalakbay k0 ay patul0y lang
Alon ng buhay ay aag0s pa naman
Malay natin sa kinabukasan
Kami'y muling pagtagpuin ng kapalaran...

Sana Naman!

Continue reading →

Bakit?

Unang araw kitang nakita
Ako ay bigla mong napahanga.
Lalo na sa angkin m0ng talento
Nagpatibok ng puso ko.

Itinatak kita sa pus0 k0
Sinabi ikaw lamang ang mamahalin ko.
Nahibang ako dahil sa'yo
Na agad namang hinusgahan ng mga tao.

Pero bakit ngay0n ako'y nag-iisa?
Ni walang makapiling at makasama
Ako ngayo'y higit na nagdurusa
Sa pag-ibig m0ng hangal sinta.

Nilim0t m0 ako bilang isang tao
Tinapakan m0 ang aking pagkatao
Sinayang m0 lamang ang pag-ibig ko
At sumama sa lalaking iy0ng gusto.

Ngayon ako'y nagdurusa.
Ngayon ako'y walang makasama.
Ibig ko mang limutin ka
Hindi ko magawa dahil mahal kita.

Bakit? Bakit mo ako niloko?
Bakit m0 pinaasa ang puso ko?
Bakit? Ano ba ang nagawa ko sa iyo?
Upang limutin at pagtaksilan mo?

Continue reading →

Lihim

ako'y naakit, at ako'y napatingin
pagtitig sa iyo'y di kayang pigilin
ako'y natulala, at ako'y namangha
sa kakaibang saya, 'pag ika'y nakikita

pero nais kamang hawakan
o kahit malapitan man lang
sadyang di ko magawa
ako ba ay nahihiya?

hanggang tingin nalang ba?
at hanggang ganito ang distansya?
nais ka mang puntahan
ngunit dapat pigilan

pagka't aking napagtanto
ang katotohanang natamo
kasintahan ka nang kapatid ko
habang ako'y palihim na umiibig sayo

Continue reading →